लघु बैंकिङ्गपरिचय

संयुक्त राष्ट्रसंघको पूर्व महासचिव कोफी अन्नानका अनुसार “लघुवित्त, न्यून आय भएका परिवारहरुको लागि प्रदान गरिने यस्तो सेवा हो जुन अन्य सबै व्यक्तिहरुले प्राप्त गर्दछन् । यसले नागरिकहरुलाई संभावित जोखिमबाट जोगाउँछ भने अधिकाँश व्यक्तिहरुलाई राज्यको आर्थिक क्रियाकलापहरुमा सहभागी गराउँदछ । यसले बजार निर्माण गरी आपसी लाभको आधार तयार गर्दछ ।”
माथिको भनाई अनुसार नै, आर्थिक रुपमा पिछडिएका व्यक्तिहरुलाई पनि सम्मानित जीवन जिउनको लागि वित्तीय सेवाको आवश्यकता पर्दछ । यस विभागले कम तथा अति कम आय भएका व्यक्तिहरुमा समेत वित्तीय सेवाहरु प्रदान गर्दछ । यस्तो सेवाहरु अन्तर्गत रु. १,०००/- (एक हजार) सम्मको कर्जा विना धितो तथा सामूहिक जमानी वा व्यक्तिगत जमानीमा प्रदान गरिन्छ भने धितो राखेर पनि कर्जाहरु प्रदान गर्दै आएको छ ।
बैंकको लक्ष्य तथा अभियान बमोजिम बैंकले ग्रामीण तथा न्यून वित्तीय पहूँच भएका क्षेत्रका लघु, साना तथा मझौला उद्यमी÷व्यवसायीहरु प्रति सेवालाई लक्षित गरेको छ । लघु बैंकिङ्ग अन्तर्गत लघुवित्त सेवाहरु प्रदान गरिन्छ । यो सेवा प्रदान गर्न अधिकांश शाखाहरुमा समावेशी बैंकिङ्ग डेस्क स्थापना गरिएको छ, जहाँबाट लक्षित वर्गका व्यक्तिहरुलाई कर्जा, बचत, विप्रेषण सेवाहरु लगायत सामाजिक सुरक्षा सेवाहरु प्रदान गरिन्छ । लक्षित वर्गको सही छनौट, असल कर्जा स्वीकृति प्रकृया तथा कर्जा अनुशासनले यस विकास बैंकको लघु बैंकिङ्ग सेवाले सेवा विस्तारको साथै दिगोपना हासिल गरेको छ ।