Thursday April 25, 2024
वि.सं
२०८१ बैशाख १३ बिहिबार
वि.स. २०२८ साल चैत्र २६ गते जगतपुर गा.वि.स. ०६, चितवनमा जन्मनु भएको पार्वती गौतम विबाह गरी सपरीवार सँगै भरतपुर म.न.पा.–२१ मा बसोबास गर्दै आउनु भएको छ । मध्यम बर्गीय परीवारमा जन्मेकी उनी उनको बिबाह पनी एक मध्यम बर्गीय किसानको घरमा भयो । उनका श्रीमान परम्परागत कृषि तथा गाई पालन गर्दै आउनु हनुहुन्थ्यो । निजले पहिला ३ वटा गाई पालन गर्नु भएको थियो । यसरी गाई पालन गर्दा खासै साम्रो आम्दानी नहुने र भएको आम्दानीले मासीक खाना खर्च मात्र पुग्दथ्यो । ब्यबसाय बृद्धि गर्न लगानीको अभाब भईरहेको बेला मुक्तिनाथ विकस बैकको कार्यक्रम उहाको घर दैलोमा पुग्यो जसमा उहाँले समुहमा बसी ब्यबसाय गर्न विनाधितो कर्जा पाईन्छ भन्ने कुराको जानकारी पाउनु भयो र वि.स. २०७१ साल साउन महिनामा मुक्तिनाथ विकास बैकको महिला समुहमा सदस्यता लिनुभयो ।
सदस्य पार्वती गौतम यस मुक्तिनाथ विकास बैकको समुहमा एक लगनशिल र मेहनेती सदस्यको रुपमा अगाडी बढ्ने सोचले बस्नु भएको थियो । बैकले सदस्यलाई विनाधितो कर्जा प्रवाह गर्ने भएकोले निजलाई उक्त विनाधितो कर्जा लिई ब्यबसाय बृद्धि गर्छु भन्ने उत्साह बढेर आएको थियो । यस बैकको समुहमा आबद्ध भए पस्चात उनले घर सल्लाह बमोजीम पहिलो पटक रु. ५०,०००/– कर्जा चलाउनु भएको थियो । निजले उक्त कर्जा रकममा आफुले घर खर्चबाट बचाएर राखेको रकम मिलाई गाई थप गर्नु भयो । उहाले गाई थप गरीसक्नु भएपछी गाईको गोबर मल र दुध विक्री गर्न थाल्नु भएदेखी आम्दानी बृद्धि हुन थाल्यो र बैकको किस्ता र घर खर्च कटाई केहि रकम बचत हुन थाल्यो । उक्त कर्जा चुक्ता गरीसकेपछी उनले पटक पटक गरी ८ लाख भन्दा बढीको कर्जा कारोबार गर्नु भएको र उक्त लिनुभएको सम्पुर्ण कर्जा रकम गाई पालन ब्यबसायमा लगानी गरी गाई पालन ब्यबसायलाई बृद्धि गर्नु भयो ।
विगत लामो समय देखी गाई पालन ब्यबसायमा आबद्ध भई काम गर्दै आउनु भएता पनी सुरुवाती समयमा खासै सफलता प्राप्त गर्न सक्नु भएको थियन । जब उनले मुक्तिनाथ बैङकको महीला समुहमा आवद्ध भई सदस्य बन्नु भयो । उनको समय तथा दिनचर्या विस्तारै फेरिदै गयो र उनी एक सफल पत्नी, आमा साथै एक सफल व्यवसायीको रुपमा स्थापित हुनुभएको छ । आज मुक्तिनाथको साथ र पार्वतीको मिहेनत र परिश्रमको कारण उनको आफ्नै पहीचान छ ।
